( تقبل الله منا ومنكم صالح الأعمال .. وكل عام وأنتم بخير )
|
||||||
| ✎ رُقــِـــــي الـــــــذآآت تلاقي مواضيع تطوير الذات و علم النفس موجودة هنـــــآآ .. |
الإهداءات |
|
 |
|
|
أدوات الموضوع | انواع عرض الموضوع |
20-02-2010, 02:27 AM
|
#1 |
|
Lv: 2 
تاريخ التسجيل: Jul 2009
الاقامة: [ ع ـالمى الخ ـاص ]
المشاركات: 321
 |
انا راح اغير العالم من بدوا يغير معايا < دعوه للتغير اتمنى من الجميع يدخل ~ بقلمي ^^
بسم الله الرحمن الرحيم
انا لازم اكون قويه ما اضعف و لو ضعفت راح اخبي ضعفي عن اللي احبهم عشان لا يضعفوا لمن يشوفوا ضعفي هم قويين بسببي بعد الله ... دي حاجه اتعلمتها هنا في ببلز ببلز انت اغلى شي ع قلبي صح انا ما ادخلك كتير بس جد انا استمديت القوة و الثقه و الايمان بقدراتي منك و من اعضائك ... راح احكيكم عن حياتي شوية شوية ... و بعدين راح اقولكم التغييرات اللي راح اخليها تصير في حياتي ... انا بنوتة عمري 18 سنه و في شهر 5 ان شا الله راح ادخل 19 انا لمن كنت في الروضه كانت عندي صاحبه اسمها غدي انا و هي مرة كنا مع بعض و ما فكرني بيها غير امازورا عاد تعرفوا النسيان اللي يصيبنا الله يرحمنا بحاله بس المهم و بعدين افترقنا و دخلت المدرسه اولى تانيه تالته رابعه بديت اتعرف ع واحده كنت دايما اشوفها تقعد لحدها كنت مرة احزن عليها و بديت اوطد علاقتي معاها مرة لمن سرت 4 في الترم التاني اتعلقنا ببعض لدرجه جنونيه سرنا لو ما نشوف بعض في يوم نتجنن و لازم نكلم بعض في التليفون اقلها مرتين في اليوم و كانت تحكيني عنها و عن اخواتها و اخوانها و انا نفس الشي لمن ساروا اهالينا متشوقين يعرفونا اهلها ساروا متشوقين يعرفوني و اهلى برضو و كانوا في بنات الله يهديهم مستقوين و مسيطرين ع الفصل و هي كانت دايما توقفهم عن حدهم و انا كنت معاها نضحك مع بعض نبكي مع بعض كنت ادافع عنها و يشهد ربي اني كنت اعتبرها الهوا اللي اتنفسه كنت اموووت فيها كنت احبها اكتر من اخواتي  المهم و في اولى متوسط جاتنا بنت جديده كانت مرة مستقويه و في غضون اسبوعين كونتلها شله خاصه بيها و كانت سمعتهم مرة سيئه و احنا نقلنا في مدرسه ام اسراء ووقتها اتعرفنا ع واحده و سرنا 3 بس ما كانت معزة اسراء ( للمعلوميه اسمها اسراء صديقتي مرة ) زي معزة رورو < البنت الجديده المهم و سارت اسراء كل يوم تعتذر مني في الفسحه تقولى معليش بروح معاهم و كانت واحده من شله ديك البنت تستناها و انا يا غافلين لكم الله و انا عادي بحسن نيه اقولها روحي و سرت اشتكي لرورو اني احس اسراء لمن تطالع في تطالع بنظرات كاني قاتلتها قتيل و شوية شوية بدت تتسحب و تتجاهل اتصالاتي و رسايلي و كله و هي كانت تتخفى في مكان بعيد مع الشله عشان ما اشوفهم ... المهم في يوم ... قرروا يطلعوا عشان تتشمت ديك على و ربي اني ما كنت ااذي احد كان حالى حال نفسي و ما احب ادخل في خصوصيات احد ولاشي ... افتكر يومها كنت امشي مع رورو و بنتكلم و اسمع احده تصرخ من بعيد و تنادي اسمي انا الف وقتها انصدمت صدمه حياتي و ربي لقيت ديك البت ماسكه اسراء من كتوفها و هي واقفه ع المسرح و تاشر على و تقول باعلى صوت : بناااااااااااااات شوفوا اسراء سابت دي و كانت تطالع في بقرف و البنات يومتها كانوا يضحكوا < مدري على ايش  ...و سارت تقولهم ترى اسراء سابتها و انضمت لشلتي و ساروا البنات اللي يصفق اللي يصرخ و اللي يصفر انا اتمنيت الارض تنشق و تبلعني ... و طلعت فوق الفصل و سرت ابكي و جاتني حاله و اتلموا على صاحباتي و رورو و سارا يهدوني و يسبوها و ما خلوا و لا دعوه و لا سبه ما قالوها و انا كان قلبي يعورني لمن يدعوا عليها و اقول يا رب لا تستجيب لدعائهم ... و بس سارت مشهورة اسراء في دي المدرسه عشان امها و عشان سابتني و انضمت لديك الشله الفاسده ... الله لو تشوفوا كيف كنت ابكي ليل و نهار و ارفض اروح المدرسه و بالمضاربه مع بابا و ماما و بعض الاحيان كنت ادعى المرض عشان ما اروح كات نفسيتي زفت و كل ما كانت تمر من جنبي كانت تلقح في الكلام و هاتك يا تلقيح لو اتقال لجبل كان انهد انا خلاص اقولهم جلسوني و جلسوني و شربوني مويه و يطالعوا في بنظرات شماته و اسراء يا جبل ما يهزك ريح و مر ع داه الحال ترم كامل و انا كنت من سيء لاسواء و وقتها اتضاربوا الاتنين و مدري ايش سار و سابتها اسراء و قال ايش بترجع لى و انا لا حياه لمن تنادي دخلت امها و اختها و صاحباتي و صاحباتها و الله افتكر كذا ابله جات تترجاني عشان اسامحها و انا من جد يا جبل ما يهزك ريح و سارت ترسلى رسايل و الله انا احبك و غلطانه سامحيني اكتشفت انها خسيسه و بس تخرب البنات اللي معاها و مدري ايش و انا ارمي الورقه و لا كانه صار شي و انا من جوى ابكي بدل الدموع دم بس ما ابغى ابين هي الشغله ع كيفها و يعني تخيلوا كل البنات اللي في شله ديك قالولى خلاص سامحيها ترى ديك الغلطانه و مدري ايش و انا طنش تعش تنتعش و ما كانه اصلا في شي لحد ما رورو سارت تترجاني اسامحها و هي بس سارت ترسل رسايل عن طريق رورو و مرة دخلت الساحه متاخر لقيتهم بيتصفوا جاتني رورو اشبك اتاخرتي لا بس راحت ع نومه اها طيب و الف الاقي اسراء في وجهي و تسوي نفسها بتقرا قران و تطالع في لمن ادير وجهي عليها تسوي انها تقرا قران قالتلى رورو باقولك شي بس ما تعصبي قلتلها طيب و انا طفشانه قامت مدتلى رساله لونها بمبه و فيها عطر مفحفه كانت الريحه و فهمت انها منها و قالتلى رورو الله يخليك خديها قلتلها لا قالت عشان خاطري قلتلها خاطرك ع العين و الراس بس لا و خرجت من الطابور داه كله قدامها هي سارت تراقب الوضع بصمت و انا طالعت فيها بنظرة خلت عيونها تدمع مسكت الورقه و شقيتها كذا قطعه و رميتها في الزباله و طالعت فيها و انا متشمته عليها و باضحك ضحكه عاليه كلهم انتبهولى و هي قامت و سارت تجري و دخلت الفصل وسط دهشه البنات و انا عادي الوضع عندي بس كنت من جوى احترق بس خلااص اللي باعك بيعيه و لو كان صعب ع القلب فرقاه مو < المهم و مرت السنين و ديك جات و اعتذرتلى و سارت تحاول انها تكلمني و انا ماني معطيتها مجال و كل الشله افترقت و ساروا في صفي < من جد الدنيا دوراة و هي انفضحت بين البنات و ما سارت تمشي الا مع الخربانين يا لطيف ياربي و الحمدلله ربي عوضني برورو احلى صديقه في عمري و عشنا احلى سنوات عمرنا و انا اتظاهر باني كويسه بس كل ماله الجرح ينزف اكتر و انا ماني مبينه لرورو داه الشي هي كانت حاسه بي بس ما بدها تتكلم تبغاني انا اقول و بعدها حبيت < حبيت 5 سنين و انا لسه انزف كنت ابني امالى معاه اقوم عشانه و انام عشان احلم معاه كنت احبه بكل حواسي كلهم دريوا من كبيرهم لصغيرهم و في نفس اللحظه اللي اعترفت فيها للبنات او بمعنى اصح فضحتني واحده الله يسامحها اكتشفت انه في بنت برضو تحبوا و تعالوا شوفوا بس  ...و بعد كل السنوات دي او بمعنى اصح السنه اللي فاتت اكتشفت انه اللي احبه يحب واحده تانيه انا خلاص انتهيت و السنه اللي فاتت كانت اصعب سنه في حياتي ... سارت ظروف سيئه جدا في العيله و موت جدتي و عمتي السنه اللي فاتت بس كان بينهم شهر ع الوفاة او شهرين  ...و اختبارات نهائيه و قدرات و تحصيلي و ليومكم داه هي تترجاني اسامحها بس انا مسامحتها لوجه الله ... و اتفرقت عن رورو و هي راحت جده و من السنه اللي فاتت ما شفتها و ما اكلمها غير فين و فين ... انا للان مجروحه من اسراء و دحين جا حبيبي و سارتلى مشاكل كتيره و انا من جد خلااص فقدت الثقه في نفسي و اللي في حولى و سرت احاول اكتم قد ما اقدر و اتغيرت شخصيتي 360 درجه عرفت يا بروك من ايش مجروحه انا انا ما حبيت اقولكم عشان تشفقوا على و الا شي انا حبيت اقولكم الاشياء اللي سارتلى عشان تاخدوا خبرة لو شفتوا مصيبه غيركم تهون عليكم مصيبتكم ... و انا قررت و اتعلمت اني ما اضعف في داه الزمن و لو ضعفت راح اضعف لحالى و محد من اهلى راح يشوفني ضعيفه باذن الله اتدقدقت لمن قلت امين و غير اشياء ما صرحت بيها طبعا و راح اكون وواثقه من نفسي و اهم شي واثقه اني ربي ماراح يضيعلى تعب يا رب تكونوا استفدتوا من تجربتي و عرفتوا ليش اكون دايما حزينه و مكتبئه  و طبعا راح امسح الحزن و الاكتئاب باذن الله من قاموسي راح اكون دايما متفائله بالله ثم بالمستقبل اللي راح يواجهني ... غير نفسك لتغير من حولك بالتدريج داه شعاري في الحياه راح اتخذوا من اليوم و رايح و لنكون يدنا بيد بعض عشان ننتج افضل و نكون امه بفتخر بها محمد عليه الصلاة و السلام مين راح يكون معايا عشان نغير الدنيا دي للافضل و طبعا اشكر بروك اولا و اخيرا ع داه الشي لانه له الفضل بعد الله اني اغير حياتي هو ع اسبيون مرة اشكركم من كل قلبي و الله يجزاكم خير ^^
__________________
آنآ لآ آملك جمہٌآل يوسفَ ولآ قوہٌ موسىَ ولآ كنہٌوٍز قآروڼ ... لڪنيُ آملڪ في قنہٌآعٍ ـه نفہٌسيِ مآلآ يعہٌلمِہٌ الاخٍ ـِرونَ ... |
|
|
|
20-02-2010, 12:14 PM
|
#2 |
|
Lv: 2 
تاريخ التسجيل: Sep 2008
الاقامة: .:My Family Sm!le:.
المشاركات: 311
|
أنااا معاآكي ..
 نحوو الأفضل بإذن الله .. :d
__________________
|
|
|
|
|
20-02-2010, 10:48 PM
|
#3 |
|
Lv: 3 
تاريخ التسجيل: Jul 2009
الاقامة: بين أعماق بحري ..
المشاركات: 236
|
بوح قلبك لنا ..
حقا لا يقدر بثمن .. وأمنيه خالصه بأن يكون لك مستقبل أجمل .. وأن تكون حياتك مليئه فقط بالإبتسامه والكثير من القوه والنجاح .. .. ღ . ♥ . ღ . ♥ . ღ . ♥ ..
__________________
 سلمت لي أناملك .. يامطر جمالنا ..
 |
|
|
|
|
21-02-2010, 12:05 AM
|
#4 |
|
Lv: 1 
تاريخ التسجيل: Feb 2010
الاقامة: مكة
المشاركات: 43
|
طبعا انا معاكي وأتمنى من كل قلبي انو العالم اتغير وانا متفاااائلة بدرجة كبيرة .. تجاربك اكيد رح نستفيد منها .. وان شااا الله الابتسامه ما تفارقك ..والاشياء الي سارت دافع ليكي عشان تتغيري وتقوي .. وازا الحياة كانت حلوة زي مانباها ما منها فايد لانو محد رح اتعلم وماكان وصلنا للي وصلنالوو وماكان نهضدت البلاد وماكان اتغيرت رسيل خلي الاحداث الي تسير في حياتك دافع ليكي للامام مو للخلف .. وبالتوفيق ..
__________________
 |
|
|
|
|
22-02-2010, 05:04 AM
|
#5 |
تاريخ التسجيل: Jul 2008
الاقامة: في آحشَـآء الغيومْ
المشاركات: 703
|
يا صديقتي
في هذه الحياة ومنذ نعومة أظارفنا تتشكل شخصياتنا ونظل دوما نحلم ونحلم ونكبر وتكبر امالنا التي نشأة على ( النية ) التي هي اقرب الى السذاجة قد لا ندرك حينها اننا نحتاج لان نكون راقيات وقلوبنا بها من القوة مايجعلها تدوس على كل الذكريات والالم وحتى الاحلام التي تجسدت داخلنا وتوقعنا يوما اننا سنحيا بها في هذا الواقع ليس مريعا بقدر ماهو كابوس لانتمنى ان نعيشه ولكن ترغمنا الوقائع ان نعيشها فـ لا الصديقات يدمن على حال .. ولا الحب ايضا يكسينا ثوب الفرح لكن هناك مفترقات طرق تضيء لنا دربا جديدا او نقطة تحول ملونة بالامل تزهر بها الحياة وتدندن بلحن جديد ينذر بقدوم ربيع اخر امنية صادقة بان تكون السطور السابقة مجرد ورقة تحرق ولايبقى سوى رمادها وتظل تلك الروح المفعمة بالامل .. متجددة وموقدة بالفرح كوني كما انتي الان زهرة في اول الربيع تحيتي
__________________
  |
|
|
|
|
26-02-2010, 06:12 PM
|
#6 |
|
Lv: 3 
تاريخ التسجيل: Aug 2008
الاقامة: makkah
المشاركات: 204
|
الله يعيينك يارورو ويعوضك خيير..=)
بس ازا تبغي تغيري العالم كمان لازم تنسي الاشياء دي عشان تسيري قوية.. ولاتفكري فيها كتير لانها اشياء نكدت عيشتك ماتستاهل الواحد يحتفظ بيها،، وازا على الصداقة ياااقلبي،، ترا كويس انو الموضوع انتهى معاكي وانتي صغيرة.. مو وانتي كبيرة وبينك وبين صاحبتك دي اسرار ودنياااا مايعلم بها الا ربي.. يعني لو بينك وبينها مودة الاصدقاء تهوون ولا اسرارك تطلع لاعداااءك.. واتزكر كلام انثى المطر الله يسعدها لمن كانت تقولي انو الدنيا مافضيت على الناس هدولا.. وانتي تقدري مشالله انك تكوني علاقات احسن مايكون مع احسن ناس.. بس في حاجة من جد مجرربة.. ترا مافي حاجة تخلي الواحد يستعيد ثقتو بنفسو وتخليه يعرف نفسو حقّ المعرفة وتخليه قوي في وجه الضغوطات زي لمن يحطّ حروّ في عمل ويحقق ذاته من خلاله.. يعني الدراسة مثلا النجاح فيها والانخراط فيها كفيل انو ينسي الواحد الهمّ.. وانتي عارفة انك ذكية مشالله ومجتهدة ومو ناقصك اي شي من دي الناحية مشالله ومن غير مجاملة.. في النهاية ياعزيزتي،، ترا والله لا صاحبة ولا حبيب ولا عفريت ازرق ماراح يجبلنا السعادة.. كلهم مصيرهم للفناء،، بس ربنا لو كان معاكي وانتي عارفة انك بتسوي الشي الصح وواثقة من نفسك تمام الثقة ان شاء الله ربنا حيكون معاكي وتقدري تغيري العالم زي ماتتمني.. هادا بعض الكلام اللي في قلبي واتمنى انك تكوني تعرفي قيمة نفسك مزبووط لانها اكبر من دا كلووو.. دعواتي لكِ بالسعادة الدائمة،، التعديل الأخير تم بواسطة {Btata} ; 26-02-2010 الساعة 06:14 PM |
|
|
|
|
12-03-2010, 07:39 PM
|
#7 |
|
Lv: 2 
تاريخ التسجيل: Feb 2009
الاقامة: في قلب غابات حنائي
المشاركات: 37
|
حبيبتي رسيل ..
شي مرة حلو ومرة كويس إنك تنوي التغير دا .. وماشاءلله انتي مو صغيرة عمركـ 19 ويارب العمر كلو... بس عندي تعليقات كتير اتمنى أنك تتقبليها بصدر رحبـ.. الحياه مو سهلهـ.. والعمر في اشياء كتير صعبهـ.. واهم شي نحنا نكون قدها بالعقل.. نكون قدها بتفكيرنا وتصرفاتنا..اننا نحكم كويس.. المشاكل الي قلتيها كلها وتفاصيلها الدقيقهـ..وكل حاجهـ.. لو بتتغيري.. المفروض ترمي كل شي وراكي.. وماتذكري منها شي.. تبدأي صفحه جديدهـ.. ومن التجارب دي..تتذكري خلاصتك منها بس.. والتغير يكون من جواتكـ.. إنتي بس وبقناعتك الموضوع عجبني كتير.. وأهم شي إنك تخلي عزيمتك اقوى للتغير.. وإعرفي انك بس تبدأي تغير مافي مجال للتراجع...keep up girl wish u find what u looking for |
|
|
|
|
| أدوات الموضوع | |
| انواع عرض الموضوع | |
العرض العادي
|
|
الساعة الآن 06:44 AM.